<匯港通訊> 今日 lunch time 長江集團中心有歌聲傳出。一班由長江集團及其他公司基督徒組成既「長江活水」頌唱團,今日展開第六年聖誕報佳音活動。

呢個詩班吸引左一眾中環上班族駐足圍觀,在人群中見到一個熟悉的臉孔,原來係人稱「小超」既長和(00001)主席李澤鉅,據了解,小超已經係連續兩年現身撐場,與頌唱團一同報佳音,期間共逗留左足足45分鐘,成個 lunch time 都幾乎俾晒上帝。

今年報佳音既點題歌曲「平安」歌詞提及：「主，祢賜下平安……; 我的心不必再憂愁，也不用膽怯……」,相信都反映到唔少港人的願望同心聲。

今天 miss 左聽聖詩既機會,唔緊要,因為明天同後日下午1點,頌唱團在長江集團中心大堂仲有兩場報佳音活動,想見見「小超」的中環人不妨碰碰運氣,睇下有沒有機會再聽到「小超」大開金口！ (BC)